Здружението Институт за развој на електронски комуникации ИНРЕКОМ Скопје спроведува истражувања „ИНРЕКОМ Веб анкета“, овозможувајќи им учество на сите заинтересирани учесници преку пополнување на формуларот за регистрација на интернет-страницата www.inrekom.org.mk/web-anketa.
Со бесплатна и правилна регистрација, учествуваат во интернет-анкети преку кои собираат поени кои можат да ги претворат во пари. Преку е-маил, членовите добиваат покани за учество и за секоја правилно потполнета анкета добиваат од 5 до 20 поени во зависност од големината и комплексноста. Учеството во сите анкети е доброволно.
Личните податоци се на сигурно и не се проследуваат на трети лица. Одговорите се анонимни и се поврзуваат со социо-демографските карактеристики.
Членовите мора да ги прифатат обврските кои произлегуваат од условите преку што се регулира односот меѓу ИНРЕКОМ и членот на „ИНРЕКОМ Веб анкета“. За сите информации, ИНРЕКОМ ги известува членовите по е-маил.
Доколку сакате да учествувате во „ИНРЕКОМ Веб анкета“, мора да се регистрирате ТУКА, при што треба да исполниш неколку услови:
– мора да имате наполнето најмалку 15 години и да имате постојано живеалиште во Република Македонија;
– информациите кои ги нуди услугата да не ги користите за (свои) деловни цели;
– не смеете да се регистрирате повеќе од еднаш и не смеете при регистрацијата да оставите лажни податоци и
– не смеете да го пренесувате правото на член на трети лица по регистрацијата.
Исклучок е кога Институтот бара од својот член во одредено истражување да учествуваат и останатите членови од неговото домаќинство.
Важно е да се напомене дека процесот на регистрација НЕ значи дека ќе имате пристап до/во интернет страницата на ИНРЕКОМ и не постои можност за најава во истата! Процесот на регистрација означува Ваше внесување во список на активни испитаници за идните прашалници.
Доколку членот не се придржува до горенаведените услови или пак се обиде да изврши неовластено најавување на интернет страницата, ИНРЕКОМ има право да го исклучи од членството. Собраните поени се поништуваат. Институтот може да бара надомест на штета или да покрене судски спор против тој член. Сите членови повремено добиваат барање по е-маил за ажурирање на своите податоци.
ИНРЕКОМ има право да побара копија од лична карта заради контрола на личните податоци, но и да не одобри членство по направената регистрација.
Членовите не се обврзани да учествуваат во секое истражување.
ИНРЕКОМ има право да врши селекција на членовите кои ќе бидат вклучени во истражувањето.
ИНРЕКОМ има право да ги прифати учесниците веднаш по регистрацијата.
Ако бројот на соодветни членови кои ги исполнуваат демографските карактеристики е поголем од потребите, ќе бидат избрани по случаен избор.
Поканите за членство се наменети лично за испитаникот и треба да се одговара самостојни без сугестии и помош од трети лица. Строго е забрането поканата да се користи за да овозможи трети лица да одговараат во нивно име. Исто така, членот не смее да дава неточни информации во истражувањето.
Членот може во секој момент да прекине со потполнување на одреден веб прашалник, но на тој начин поени не се добиваат. Затоа препорачуваме сите прашања да се одговорени до крај.
По собрани 1000 поени, членот може да побара исплата од 500 денари со испраќање на барање на е-маил адресата: contact@inrekom.org.mk со наслов (назнака): ИСПЛАТА, а исплатата се врши два пати годишно, во јуни и декември. Поените се исти за сите учесници.
Пред исплатата на парите, членот мора да потпише договор со ИНРЕКОМ кој се испраќа на меил (електронската адреса) на членот и истиот треба да се врати пополнет до адресата на ИНРЕКОМ. Доколку членот во рок од две години не ги искористи поените истите нема да важат.
ИНРЕКОМ гарантира за сигурноста на Вашите податоци. Тие се користат исклучиво за потребите на истражувањето. Вашите податоци ни се потребни за:
– избор на учесници за учество во поединечни анкети помеѓу членовите;
– испраќање на покани за учество во интернет анкетите и
– известување и исплата на заработените поени.
Информациите од членот се анонимни и истите се бришат во рок од 30 дена по прекинот на членството.
ИНРЕКОМ не одговара за технички грешки или штета предизивикана од делување на трети лица или виша сила.
ИНРЕКОМ има право од интерни причини да престане со давање услуги одреден временски период. Во такви случаи на прекин, членовите немаат право да бараат надомест на штета од Институтот.
ИНРКОМ не одговара за посредна/непосредна штета, нереалзирана заштеда, губење приходи или интерес и друга последица заради побарувања од трета страна.
Доколку ИНРЕКОМ по барање на трета страна (Завод за статистика, АЕК, АВМУ, оператори и слично) започне истражување на јавното мислење и повика одредени членови да учествуваат во истото, ИНРЕКОМ не гарантира за содржината на информациите кои ги бара налогодавачот, односно третата страна.
Доколку ИНРЕКОМ добие информации за противзаконски содржини нема да ги прифати упатените барања и веднаш ќе ја стопира работата на противзаконското истражување. Добиените одговори од членовите, Институтот нема да ги земе во предвид, ниту ќе ги достави до налогодавачот.
Доколку Институтот добие барање за истражување од трета страна (клиенти на ИНРЕКОМ) и ги повика своите членови да учествуваат во online истражувањето, одговорите/прашалниците кои ќе ги добие од своите членови, Институтот до клиенти ќе ги проследи исклучиво во анонимна форма, збирно.
ИНРЕКОМ Скопје во согласност со правилата за лични податоци на членовите, гарантира дека:
– на поранешните членови нема да проба да им продаде нешто;
– личните одговори на членовите ќе останат анонимни;
– одбивањето да се одговори на одредено прашање нема да има никакви последици за членството;
– во секој момент, членовите можат да побараат да бидат исклучени, а со тоа да бидат избришани и сите нивни лични податоци и поените и
– ИНРЕКОМ нуди високо ниво на компјутерска заштита до пристапот на лични податоци од членовите.
Прашалниците односно анкетите кои им се испраќаат на членовите, како и содржината на истите се заштитени со закон. Не е дозволено нивно споделување, складирање, копирање, обработка или пак проследување до трети лица дури и ако тоа се однесува само на делови или извадоци од податоците за истражување.
Членот се обврзува дека нема да ги споделува информациите до кои дошол по пат на истражувањето, односно дека нема да им ги отстапи на трети лица.
Институтот го задржува правото да го исклучи или блокира (за одреден период) членот, во случај членот да прекршил една од наведените обврски. Со таквата одлука, членот го губи правото да располага со освоените поени кои ги стекнал при учество во online истражувањата.
ИНРЕКОМ забранува секакво друго размножување, дистрибуција или објава на содржината без писмена согласнот од Институтот, а која може да се побара на contact@inrekom.org.mk .
Како и регистрацијата, така и откажувањето на членството е бесплатно и се остварува со со испраќање на барање на е-маил: contact@inrekom.org.mk со назнака ОТКАЖУВАЊЕ. Поништувањето на членството станува активно веднаш штом ИНРЕКОМ ја добие пораката од членот.
По извршената одјава, поените на членот се бришат веднаш.
ИНРЕКОМ Скопје го задржува правото да исклучи член, доколку постои основано сомнение дека членот ги прекршил условите на користење со моментално дејство преку испраќање на известување по е-маил. Резултатите од истражувањата во кои тој член учествувал, во моментот се поништуваат.
Доколку дојде до прекин на членството, повторна регистрација е можна по 2 месеци.
За измени во условите за користење, ИНРЕКОМ ги известува членовите, преку електронска пошта пред тој да стапи на сила.
Институтот ги активира промените по 7 работни дена од нивното донесување.
Доколку дојде до спор меѓу член и ИНРЕКОМ, надлежен е Основен Суд Скопје 2.
Членот се обврзува дека нема да поднесе судска постапка против ИНРЕКОМ доколку трето лице ги користи услугите на Институтот, меѓутоа членот има право на судска разврска доколку трето лице ги злоупотребило податоците на ИНРЕКОМ без знаење на членот и Институтот.
